منشور AIChE SUSC

في 7 يناير 1943 في فندق في New York، وفي الغرفة رقم 3327 عمال الفندق لقوا جثة راجل، كان عنده 86 سنة ساعتها، وكان زبون دايم للفندق. مات مفلس و مات وحيد😔؛ الراجل ده هو نيكولا تسلا أو الراجل اللي اخترع كل حاجة. ريموت التليفزيون والراديو وتكنولوجيا الوايرلس وأشعة X وحتي الكهرباء اللي ف البيوت ودينامو العربيات ولمبات الفلوروسينت والإنترنت...كل دي حجات تحمل بصمات أفكار نيكولا تسلا🧠، اللي عاش حياته للعلم و الاختراعات، بس من غير ما يحقق منها أرباح مادية و مأخدش حقه من التقدير إلا بعد 100 سنة تقريبًا. اتولد تسلا سنة 1856 في قرية سميلجان في كرواتيا. أمه كانت بتعوده علي تقوية ذاكرته لدرجة إنه كان في شبابه بيتكلم 8 لغات. ✨ وفي المدرسة كان بيحل مسائل التفاضل والتكامل في دماغه والمدرسين كانوا فاكرينه بيغش ف الامتحانات. اشتغل تسلا ف شركة إديسون للأجهزة الكهربائية في فرنسا، وبعدها بسنتين راح لفرع الشركة في New York وهناك عرض تسلا على توماس إيديسون إنه يعيد تصميم المولدات الكهربائية اللي في الشركة ويخليها تشتغل بالتيار المتردد بدل المستمر🔋، عشان يبقالها كفاءة أحسن، إيديسون مقتنعش بالفكرة لكن قاله إنه هيديله مكافأة مالية كبيرة لو نفذ فكرته. وبعد ما تسلا نفذها، إيديسون مرضاش يديله حاجه و قاله دا انا كنت بهزر 🤡 وانت عشان أجنبي مفهمتش هزار الأمريكان. تسلا استقال من شركة إديسون وبعدها بدأ الصراع بينهم على أنهي نوع تيار هو الأفضل للمستقبل، التيار المتردد ولا المستمر. الصراع ده وصل لدرجة إن إديسون صعق بشحنة كبيرة من التيار المتردد اُنثى فيل وقتلها عشان يثبت للناس إن التيار المتردد خطر. ⚠️ لكن تسلا قدر يقنع بأفكاره واحد من الممولين وهو جورج وستنجهاوس اللي اشترى اختراعات تسلا بمبلغ 60 ألف دولار 💰. وفي سنة 1895، صمم تسلا محطة توليد طاقة كهرومائية على شلالات نياجرا عشان يشغل الكهرباء في New York. وبسبب النجاحات المتكررة لتسلا بقى التيار المتردد هو النظام السايد ف القرن العشرين. تسلا فضل طول حياته يصمم اختراعات كتير، معظمها حصل على براءة اختراعها علماء غيره زي الدينامو والراديو وجهاز التحكم عن بعد، تسلا مكانش عنده زوجة ولا أولاد وقضى آخر 9 سنين من حياته في فندق New Yorker، وكان نشاطه الوحيد هو رعاية الحمام ف حدائق New York. 🕊 #NikolaTesla #Non_Tech #Sustainable_Growth #AIChE_SUSC

التغيرات المناخية .. الاحتباس الحراري. حديث العالَم وأهم مشكلة موجودة في الوقت الحالي، ومن ضمن الحلول للمشكلة دي الـdecarbonization، فتعالى نتعرف عليه أكتر في البوست ده. بكل بساطة الـdecarbonization هو تقليل الانبعاثات الكربونية بشكل رئيسي CO2 والميثان، وده للحد من تأثيرها على التغيرات المناخية. طيب ازاي نعمل decarbonization؟؟ 1. الـrenewable energy: الاعتماد على مصادر الطاقة المتجددة والنظيفة (zero انبعاثات كربونية) بدل من الـfossil fuels. 2. الـenergy efficiency: تحسين كفاءة الطاقة وده بيؤدى إلى تقليل استهلاك الطاقة وبالتالي تقليل الانبعاثات. 3. التحول إلى النقل النظيف: الاعتماد على وسائل النقل الكهربائية زي السيارت والقطارات الكهربائية لتقليل انبعاثات العودام. 4. الـcarbon capture and storage: عمل capture لانبعاثات الـCO2 من الصناعة ومحطات التوليد، والتخلص منها تحت الأرض أو إعادة استخدامها مرة أخرى. 5. الـafforestation and reforestation: والهدف هنا زراعة الأشجار والنباتات الخضراء اللي بتستهلك الـCO2 وبالتالي تقليل نسبته في الـatmosphere. 6. تشجيع الاستثمار في الطاقة النظيفة وتوعية الشركات والأفراد للحد من استهلاك الطاقة. وكده نكون عرفنا الـdecarbonization، وطرقه. #Trending #Tech_Force #Sustainble_Growth #AIChE_SUSC

دلوقتي جه وقت إجابة سؤال البوست السابق اللي كان الهدف منه معرفة ما إذا كان ممكن الـbiofuel يحل مكان الوقود الأحفوري ولا لا.. الإجابة: بكل بساطة في بعض التحديات اللي بتواجه الـbiofuel ليحل محل الـfossil fuel زي عدم توفر البنية التحتية لإنتاجه بكميات كبيرة ليلبي متطلبات السوق، وفي المستقبل حتى لو اتوفرت المحاصيل بالكميات المناسبة لإنتاجه ده بيؤثر على الأراضي الزراعية للمحاصيل الغذائية، وكمان بيستهلك مياه كتيرة. هل في حلول للمشكلة دي ؟ كحل ممكن يتم عمل integration بين الـbiofuel ومصادر الطاقة المتجددة. #Trending #Check_Your_Brain #Sustainble_Growth #AIChE_SUSC

وضحنا في البوست السابق الـbiofuel ومميزاته، هل ممكن يحل مكان الوقود الأحفوري؟ #Trending #Check_Your_Brain #Sustainble_Growth #AIChE_SUSC

ستاير من الأضواء الجميلة بتغطي السما أسرت الناس لسنين 💗 وعلى الرغم من جمالها إلا إنها تعتبر حدث عنيف إلى حد ما 🫣 الشفق القطبي أو الأضواء القطبية (aurora phenomenon) هي مزيج من الألوان بتظهر فى الغلاف الجوى على شكل ستاير أو شرايط أو أحجبه أو أقواس و بتكون بس فى القطبين الشمالي والجنوبي. ❄️ شكلها في السما كأنها بتتراقص أو بتتحرك بإنسيابية في السما وبتستمر من دقايق لساعات ويقال إن أحيانا بيصاحبها صوت صفير أو هسهسة و لكن دا مش بيحصل دايما. وبتاخد أكتر من شكل زى الأقواس ودى شبه الستاير وسريعة التشتت وبتغطي السما بألوانها و بتتميز بإن إضاءتها كفاية للقراءة على نورها 🪔 وفى نوع من الشفق اسمه *نشر* ودا أكتر شكل متوهج و مميز بإننا نقدر نشوف النجوم كاملة في ذروة الشفق وقت حدوثه 🌌 الأضواء دي بقى بيرجع سببها لحدوث إنفجارات على سطح الكوكب ف بتبعت الشمس مجالات مغناطيسية شمسية محملة بطاقة عالية من الأيونات عالية الشحنة للأرض ويطلق عليها الرياح الشمسية ودي ضارة جداا لكل الكائنات الحية على الأرض. 🤕 لكن المجال المغناطيسي للأرض بيتولى حجبها عننا، وبسبب تمركز الطاقة المغناطيسية في القطبين بتبدأ تجذب ليها الأيونات من الرياح الشمسية فيحصل تصادم بينها وبين الجزيئات الموجودة في الغلاف الجوي للأرض وتظهر على شكل حلقات .💫 الألوان اللي بتظهر بتعتمد على نوع الجزيئات يعني مثلا الأوكسجين يديني اللون الأحمر أو الأخضر أو الأصفر، النيتروجين يديني الأزرق و المزيج بين الإتنين يديني البنفسجي.🌈 ظاهرة جميلة جدًا بس زى ماقولنا ليها أضرارها...تفتكرو ممكن فى يوم تحصل ونشوفها ف مكان غير القطبين؟؟ 🤔 #aurora #Non_Tech #Sustainable_Growth #AIChE_SUSC

الـ biofuel من اسمه fuel بيتم إنتاجه من النباتات والنفايات العضوية، ويُعتبر بديل للوقود الأحفوري وأكتر استدامة منه. نقدر نصنف عمليات الـproduction على حسب الـfeedstock إلى: 1. الـfirst generation: وهنا الـfeed بيكون بقايا مواد غدائية زي بقايا محاصيل الذرة وفول الصويا، وده غير مفضل بنسبة كبيرة بسبب تأثيره على أسعار المحاصيل دي وانتشارها. 2. الـsecond generation: وهنا بيكون الـfeed بقايا قطع أشجار الغابات والأعشاب، وده أفضل أنه تأثيره أقل على الـenvironment. 3. الـthird generation: وهنا بيكون الـfeedstock أصله algae ناتجة من وحدات مخصصة لتكاثرها زي وحدات معالجة الـwaste water، والنوع ده له أكبر productivity عن الأنواع التانية. إنتاج الـbiofuel بيتم خلال عمليات معينة زي الـfermentation (التخمير) بالبكتريا، pyrolysis، gasification، وعمليات تانية. بيتم استخراج products كتير من العمليات دي زي الـethanol و الـbiodiesel والـglycerine. اللي بيميز الـbiofuel عن الـfossil fuel هو الـsustainability وأنه renewable طول الوقت فالـfeedstock للـbiofuel موجود دايمًا على عكس الـfossil fuel، كمان آثاره على البيئة أقل، فـحتى الـgreenhouse gases اللي ناتج من عملية الإنتاج زي الـ Co2 بيتم استخدامه في تكاثر الـalgae فنقدر نقول أن العملية free of emissions . #Trending #Tech_Force #Sustainble_Growth #AIChE_SUSC

دلوقتي جه وقت إجابة سؤال البوست السابق اللي كان الهدف منه معرفة دور الـflywheel... الـflywheel هي device لتخزين الطاقة الدورانية (الميكانيكية)، وتساعد في تخفيف التقلبات في السرعة وتوفير العزم للمساعدة للمساعدة في الحفاظ على الحركة المستمرة. #Trending #Check_Your_Brain #Sustainble_Growth #AIChE_SUSC

وضحنا في البوست السابق الـenergy storage، وعرفنا ازاي نخزن الطاقة، ومن ضمن الـdevices لتخزين الطاقة الـflywheel، ايه هي الـflywheel ؟ #Trending #Check_Your_Brain #Sustainble_Growth #AIChE_SUSC

يا جماعة، تخيلوا لو كنتوا قاعدين تحت السما الزرقا وفجأة السما بقت حمرا! مش منظر الغروب الحلو، لأ، ده منظر الأمطار الحمضية اللي بتهدد صحتنا وبيئتنا. الأمطار دي مش مجرد ميه، ده مطر محمل بالأحماض الخطيرة زي HNO3 و H2SO4 و H2SO3 اللي لو لمسوا جلدك هيسببولك مشاكل كبيرة. ⚠️☢️ المطر الحمضي ده مش بسيط، ده مطر مليان بأيونات الهيدروجين اللي بتخليه حمضي جداً. والمشكلة إنه مش بيأثر بس على النباتات والحيوانات المائية، لأ ده كمان بيأثر على البنية التحتية يعني الكباري والمباني والتماثيل. والأدهى من ده كله، إنه بيأثر على صحتنا كمان. المطر الحمضي ده بيتكون من انبعاثات ثاني أكسيد الكبريت وأكسيد النيتروجين اللي بتتفاعل مع جزيئات الماء في الجو وتخلق الأحماض دي. والحكومات بقالها سنين بتحاول تقلل من الانبعاثات دي وفيه تحسن، بس لسه الخطر موجود. والأخطر من ده كله، إن الأمطار الحمضية ممكن تأثر على صحتنا كمان. لو الخضراوات أو الأسماك اللي بناكلها اتعرضت للأمطار دي واختزنت الأحماض، يبقى إحنا كمان هنتأثر بيها. ومش بس كده، الأمطار الحمضية بتأثر على الأحياء البحرية وبتقضي على الأسماك والبكتيريا المحللة، وبتزود نمو الطحالب والفطريات اللي بتقاوم الحموضة وفي النهاية، الأمطار الحمضية دي مشكلة كبيرة وخطيرة، ولازم نفكر في حلول عشان نحمي نفسنا ونحمي البيئة اللي عايشين فيها. يا ترى، إيه الخطوات اللي ممكن نعملها في حياتنا اليومية عشان نقلل من الأمطار الحمضية دي؟ #acidrain #Non_Tech #Sustainable_Growth #AIChE_SUSC

بدون شك الـenergy storage (تخزين الطاقة) أصبح جزء مهم في مستقبل الطاقة، وده أمر بينعكس بوضوح في التطورات التكنولوجية والابتكارات اللي بنشوفها في صناعة الطاقة في العقود الأخيرة. يُعتبر تخزين الطاقة حل مهم لتحقيق التوازن بين العرض والطلب على الطاقة، والتغلب على التحديات اللي بتعوق استقرار الشبكات الكهربائية (زي عدم استقرار الكهرباء الناتجة من المصادر المتجددة زي الرياح اللي بتكون موجودة في أوقات وأوقات تانية لأ). تعالى نتعرف الأول على أنواع الطاقة اللي يمكن تخزينها: -الطاقة الكهربية. -الطاقة الحرارية. -الطاقة الميكانيكية. -الطاقة الكيميائية. طيب السؤال هنا ازاي أقدر أخزن الطاقة ؟؟؟ في الحقيقة في تقنيات وأنظمة كتيرة، ولكن أشهرها: 1. البطاريات زي بطاريات الليثيوم والرصاص الحمضية، ودي واحدة من أكثر أنواع تخزين الطاقة شيوعًا. 2. التخزين الهيدروچيني: وهنا يتم تخزين الطاقة في صورة هيدروجين H2، يعني لو عندك طاقة شمسية أو طاقة رياح يتم استخدامها لتوليد الكهرباء وبعدها يتم استخدام الكهرباء دي لتحليل المياه وإنتاج الهيدروجين اللي يمكن تخزينه واستخدامه. 3. تخزين الحرارة: وهنا يتم تخزين الطاقة الحرارية بواسطة مواد تخزين حراري زي الصخور، ويمكن استخدام الطاقة الحرارية لتوليد الكهرباء بواسطة محطات الطاقة الحرارية. 4. تخزين الطاقة الميكانيكية زي تخزين الطاقة في الكتل الثقيلة والطاقة المخزنة في النوابض والرافعات المائية والأنابيب الهيدروليكية. 5. التخزين الكيميائي: وهنا يتم تخزين الطاقة في صورة مواد كيميائية تحتوي على طاقة مخزنة يمكن إطلاقها عند الحاجة زي تخزين الطاقة في الوقود الحيوي الـBiogas أو الـBiodiesel، ويتم إطلاق الطاقة عند احتراقها، وتُعتبر البطاريات أيضًا تخزين كيميائي للطاقة. وبكده نكون وضحنا الـenergy storage. #Trending #Tech_Force #Sustainble_Growth #AIChE_SUSC